This Ae Nicht

This ae nicht whaun ye sleep
A'll sing ma deepest sangs.
The dwams o the langest deid'll
twyne through the cup o derkness
tae brek oan the empy saunds
an breath again oan tides
whaur grain gies tae grain
an ocean gies tae ocean.
Dwam noo,dwam deep
the deep dwam o the oceans tirnin
the muins movement
the silent shuffle o sleeps motion
whaur time is naethin yet awethin.
This ae nicht A'll dwam the deepest dwams
an sleep wie ye the deepest sleep.

Return to Holton Page