Scots Wha Hae

Scots, wha hae wi' Wallace bled,
Scots wham Bruce has often led,
Welcome to your gory bed,
Or to Victorie!
Now's the day, and now's the hour;
See the front o' battle lour,
See approach proud Edward's pow'r
Chains and slaverie!

Wha will be a traitor knave?
Wha can fill a coward's grave?
Wha sae base as be a slave?
Let him turn and flee!
Wha for Scotland's King and law
Freedom's sword will strongly draw?
Freeman stand, or freeman fa'?
Let him follow me!

By oppression's woes and pains!
By your sons in servile chains! -
We will drain our dearest veins, -
But they shall be free! -
Lay the proud usurper low!
Tyrants fall in ev'ry foe!
Liberty's in ev'ry blow!
Let us do or die!

(Scots Wha Hae)
The words were written by Robert Burns. The song refers to the battle at Bannockburn in 1314 between Robert the Bruce and Edward Il of England when, under Bruce's leadership, Scotland regained her freedom.

Return To Scottish Songs