Willie and I cam doun by Blair
And in by Tullibardine;
The Rye were at the riverside,
An' bee-skeps in the garden;
I saw the reek o' a private still -
Says I 'Gude Lord, I thank ye!'
As Willie and I cam in by Blair,
And out by Killiecrankie

Ye hinny bees, ye smuggler lads,
Thou Muse, the bard's protector,
I never kent what rye was for
Till I had drunk the nectar!
And shall I never drink it mair?
Gude troth, I beg your pardon!
The neist time I come doun by Blair
And in by Tullibardine.

Return to Scottish Poetry